Беренсе урында ниндәй объект?

Шулай итеп, беренсе урында 3-сө мәктәп эргәһендә “Мәктәп аллеяһы” килә. Уның өсөн 1885 кеше тауыш биргән. 1765 кеше иһә тәү сиратта Хафиз йылғаһы буйын, “Ирәндек” кинотеатры биләмәһен төҙөкләндереү проекты мөһимерәк, тип тапҡан, ул – икенсе урында. ЗАГС эргәһендә “Йәштәр паркын” булдырыу өсөн 1245 кеше тауыш биргән. Ҡаланың Көньяк микрорайонында парк булдырыу тураһындағы проект исемлектә дүртенсе килә – 933 кеше. Үҙәк ҡала дауаханаһы эргәһендә аллея иһә 723 тауыш йыйған. Исемлекте Салауат Юлаев исемендәге парк тамамлай – 687 кеше.

Ысынлап та һуңғы йылдарҙа ҡалабыҙҙа төрлө кимәлдәге төҙөкләндереү эштәре әүҙем алып барыла. Әле унда, әле бында төҙөлөш эштәре бара. Уларҙың барыһы ла маҡсатлы программалар ярҙамында башҡарыла.

Лилиә ТАКАЕВА.