Йөҙгә хәтлем һау булып йәшә

Ошо ҡушылманы көн дә аша һәм йөҙгәсә йәшәрһең, ти ине был һәр саҡ мөләйем инәй. Һәм ысынлап та йөҙгәсә йәшәне. Һәм “миңә табиптар һеҙҙең ҡан тамырҙарына 30 йәшлектәр ҙә көнләшерлек тип әйтә” тиер ине. Был тәмле ҡушылма организмды шлак һәм токсиндарҙан таҙартып ҡына ҡалмай, ә бауырҙың эшмәкәрлеген яҡшырта, иммунитетты көсәйтә.

Шулай итеп, 100-шәр грамм әстерхан сәтләүеге (әстерхан сәтләүеге - ҡан тамырҙарын киңәйтә һәм уның йөрөшөн яҡшырта) һәм кураганы (курага - ҡан баҫымын рәтләй) ваҡлайбыҙ, 4 тырнаҡ һарымһаҡты (һарымһаҡ - тромбтар барлыҡҡа килеүенә ҡаршы көрәшә) иҙеп ҡушабыҙ, ярты лимондың (лимон - ҡанды шыйығайта һәм бауырҙы таҙарта) һутын һығығыҙ, 1 аш ҡалағы бал (бал - ҡанды таҙарта) өҫтәгеҙ, 1 аш ҡалағы зәйтүн майы (зәйтүн майы - насар холестеринды юҡ итеп, яҡшыларын барлыҡҡа килтерә) өҫтәгеҙ. Бер ай дауамында иртәнсәк ике аш ҡалағы ашағыҙ. Һәм тәнегеҙ һеҙгә рәхмәт әйтер.