Картуф һыуы - үҙе дауа

Олоғайған һайын быуындарҙың һығылмалылығы, ныҡлығы юғала, уларға тоҙ ултыра. Быуындарҙы таҙартып, остеохондроз, полиартрит, подагра кеүек ауырыуҙарҙың үҫешен туҡтатырға була. Ҡабығында бешкән картуф һыуы ла организмдан шлактарҙы сығарырға, эсәктәрҙе таҙартырға булышлыҡ итә. Иртән ас ҡарынға, көндөҙ һәм йоҡлар алдынан эселгән картуф һыуы артрит булғанда яҡшы йоғонто яһай. Полиартрит күҙәтелгәндә лә быуындарҙы ошо һыу яҡшы таҙарта. Бының өсөн 1 кг картуфты йыуып, ваҡлап турап, 1 сәғәт 20 минут 3 л һыуҙа бешерергә. Унан һөҙөп, еңелсә һығырға. Теләгән ваҡытта эсергә мөмкин. Һау булайыҡ!