Ҡул аҫтындағы алоэ

Кешелек тарихындағы иң боронғо дауаланыу рецептарының береһе. Уның составына өс компонент инә. Улар үҙенсәлекле шифалы үҙенсәлектәргә эйә һәм һаулыҡ менән бәйле күп проблемаларҙы тәбиғи рәүештә хәл итә. Алоэ һәм бал бик күп файҙалы һәм туҡлыҡлы үҙенсәлектәргә эйә, ә лимон — организмыбыҙҙы иң шәп таҙартҡысы. Алоэ һаулығыбыҙ өсөн иң шифалы үҫемлектәрҙең береһе, ул күп ауырыуҙар менән көрәшергә ярҙам итә. Шуға күрә өйөгөҙҙә мотлаҡ бер-ике һауыт алоэ үҫтерегеҙ.

БЫЛ ҠАТНАШМА НИНДӘЙ АУЫРЫУҘАР МЕНӘН КӨРӘШЕРГӘ ЯРҘАМ ИТӘ?

Колит

Язва

Яман шештәрҙең үҫешен тотҡарлай һәм профилактикалай

Артрит менән;

Ашҡаҙан-эсәк трактының ялҡынһыныуын бөтөрә

Шәкәр, холестериндан ярҙам итә, ҡан баҫымын яйға һала. Тәнде таҙарта. Бөйөрҙә таш барлыҡҡа килеүен иҫкәртә. Стрестан һаҡлай. Тиреләге яраларҙы тиҙ дауаларға ярҙам итә. Организмыбыҙ күҙәнәктәрен тергеҙә. Эсәк эшмәкәрлеген яҡшырта, тымауҙы бөтөрә, иммунитетты нығыта.

ӘҘЕРЛӘҮ ӨСӨН

1/4 литр бал; 4 алоэ япрағы (ҙур булһын япраҡтар); 2 лимон (йәки лайма) ҡабығы менән.

ӘҘЕРЛӘҮ: Алоэның һутын һығып сығарығыҙ. Йыуылған лимондарҙы ит турағыс аша үткәрегеҙ йәки блендерҙа ваҡлағыҙ. Артабан өсөһөн бергә ҡушып, ныҡ итеп болғатығыҙ (блендерҙа ла була). Ҡатнашманы быяла банкаға һалып алығыҙ. Уны һыуытҡыста һаҡлайбыҙ Һаҡлау ваҡыты – 1 ай.

ҠУЛЛАНЫУ:

Тәүге аҙнала иртән һәм төшкөһөн ашағандан һуң 1 сәй ҡалағы ашайбыҙ. Артабан тағы бер аҙна дауамында иртәнсәк кенә 1 сәй ҡалағы ашайбыҙ. Бынан һуң мотлаҡ 1 аҙна ял итәбеҙ. Һәм тағы ҡабатлайбыҙ. Сироптың тәме оҡшамаһа, уны аҙ ғына һыуҙа болғатып эсергә мөмкин. Мәғлүмәт танышыу маҡсатында бирелгән.

Был ысулдың ҡаршылыҡтары юҡ, шулай ҙа халыҡ медицинаһын ҡулланыр алдынан табип менән кәңәшләшегеҙ.

Гүзәл Иҫәнгилдина.