Шешенеүҙән шәп эсемлек

Баллы һоло төнәтмәһе шешенеүҙән ярҙам итә. 

Мәҫәлән, һин иртәнсәк шешенеп китеп уяндың икән, ти. Күңелеңде төшөрмә. Тиҙ арала баллы һоло төнәтмәһен әҙерләй һал. 

1 аш ҡалағы һоло ярмаһын (ул ярма булһа ла, геркулес булһа ла ярай) 1 стакан һыуға һал. Унан 15 минут ҡайнат. Аҙаҡ уны һыуытып, 1 балғалаҡ бал һалып болғатығыҙ. 

Был төнәтмәне иртән ас ҡарынға аҙ-аҙлап йотоп эсеп бөтөгөҙ. Бындай төнәтмәне эскәндән һуң иртәнге аштан баш тартырға тура килер. Хәйер, һинең үҙеңдең дә ашағың килмәҫ. 

Бер-ике сәғәттән һуң битеңдәге шеш таралып юҡ булыр. 

Һау-сәләмәт бул! Һәр иртәбеҙ шатлыҡтан торһон!