Һаҡмар
+16 °С
Болотло
Антитеррор
Бөтә яңылыҡтар

Бөтнөктән ҡайнатма

Баҡсаларҙа үҫкән бөтнөктөң (мята) ыуыҙ һәм көслө сағы. Ошо файҙалы үҫемлектән витаминға бай, һыуыҡ тейгәндән, күңел болғандан ярҙам иткән ҡайнатма әҙерләп булғанын беләһегеҙме?

Бөтнөктән ҡайнатма
Бөтнөктән ҡайнатма

250 г бөтнөк япрағы, 1 кг шәкәр, 2 лимон, 0,5 л һыу алына. Бөтнөктө һабаҡтары менән йыйып алабыҙ, йыуабыҙ һәм турайбыҙ. Лимонды ҡабығы менән бергә ҡырҡабыҙ. Барыһын да кәстрүлгә һалып, 10 минут ҡайнатабыҙ ҙа, бер тәүлеккә ултыртып торабыҙ. Артабан һөҙөп алып (тик шыйыҡсаһын ғына), шәкәр һалып ҡайнатабыҙ ҙа (оҙаҡ түгел), стерилләнгән банкаларға һалып ябып, һалҡынға ҡуябыҙ. Кемгәлер был ҡайнатманың тәме шунда уҡ оҡшамауы ла ихтимал. Уның тәмләткес булыуҙан бигерәк, организмға файҙа өсөн ҡулланылыуын онотмағыҙ. Башта әҙ генә эшләп ҡарағыҙ.

Автор:Гузель Салихова
Читайте нас: