Ҡабырға ара невралгияны дауалар өсөн

Бик еңел рецепт. Еңеллек тәүге процедуранан уҡ килә. Тик дауаланыу курсын үтеп бөтөргә кәңәш ителә. 

Шулай итеп, йод менән глицеринды бер үк миҡдарҙа алып, шешәгә ҡойоғоҙ. Унан яхшылап һелкетеп алығыҙ. 

Килеп сыҡҡан иҙмәне мамыҡҡа манып, һыҙлаған урынға һөртөгөҙ. Тик уны умыртҡа һөйәгенә һөртөргә ярамай. Ыуырға ярамай. 

Унан эс кейеме кейеп, йоҡларға ятығыҙ. Тик ҡалын юрған ябынып ятмағыҙ. 

15 процедураны көн аша ҡулланырға була. Шулай уҡ был рецепт ябай радикулиттан, миозиттан һәм имгәнгән урынға һөртөргә була. 

Һау-сәләмәт булығыҙ! 

Халыҡ медицинаһы рецептарын ҡулланыр алдынан табип менән кәңәшләшегеҙ.