Таныш булығыҙ - яңы табип!

Тағы бер һөйөнөслө хәбәр - табип булып үҙебеҙҙең Баймаҡ ҡыҙы ҡалабыҙға ҡайтты.

Таныш булығыҙ - Сиражетдинова Ләйсән Ишбулды ҡыҙы - хәҙер Баймаҡ үҙәк ҡала дауаханаһының табип-педиатры.

Ләйсән 2017 йылда ҡаланың 1-се мәктәбен тамамлай һәм маҡсатлы йүнәлтмә буйынса Башҡорт дәүләт медицина университетына уҡырға инә. Кескәйҙәрҙе яратҡас педиатрияны һайлай ул. Уҡыу мәлендә медсестра булып эшләп тә өлгөрә. 

Ләйсән Ишбулды ҡыҙына эшендә тик уңыштар теләйбеҙ!

Дауаханаларҙы табиптар, медицина хеҙмәткәрҙәре менән тәьмин итеү "Һаулыҡ" өҫтөнлөклө милли проекты буйынса ҡаралған.