Баймаҡ дауаханаһына - яңы автомобиль

Үҙәк ҡала дауаханаһының автомобиль паркы тағы ла бер LADA NIVA TRAVEL машинаһы менән тулыланды. Ул "Беренсел һаулыҡ һаҡлау звеноһын модернизациялау" федераль программаһына ярашлы алынған.

Был беҙҙең дүртенсе автомобиль, - ти баш врач Илшат Рыскужин. - Тимәк халыҡҡа медицина ярҙамы күрһәтеү мөмкинлеге тағы ла яҡшырасаҡ. Пациенттарға барып урында уҡ тикшереү, анализдар алыу, медицина-санитар ярҙамы күрһәтергә мөмкин. 

Баш врачтың әйтеүенсә, күптән түгел дауаханаға эндоскоптарҙы йыуыу һәм киптереү ҡоролмаһы ла алынған.