Киҙеүҙән шәп дарыу

Ҡара һуғандан ҡышҡылыҡҡа киҙеү ауырыуҙарына ҡаршы дарыу әҙерләп ҡуйырға була. Бының өсөн ике-өс ус ҡара һуғанды ҡырҡып алып (тамыры кәрәкмәй!), таҙартығыҙ ҙа, быяла һауытҡа турап һалығыҙ. Өҫтөнә сыҡҡансы араҡы ҡойоп, ҡараңғы урынға 10-14 көнгә ултыртып ҡуйығыҙ. Һөҙөп алғас, һалҡын урында һаҡлағыҙ. Өлкәндәр – бер аш ҡалағы, балалар ярты сәй ҡалағы итеп, киҙеү мәле еткәс, көнөнә иртәле-кисле эсергә кәрәк.