Күҙеңә арпа сыҡтымы?

Әйҙәгеҙ, ябай ғына ҡағиҙәләрҙе үтәп, арпанан ҡотолайыҡ. 

Ғәҙәттә арпа сығыуҙың 90 процентында бактериаль инфекция сәбәпсе була. Ә был иммунитеттың түбән булыуына бәйле. 

Арпаны бөтөрөү өсөн календула (пәйғәмбәр тырнағы) төнәтмәһе ярҙамға килә. 

15-20 сәскәне 1 стакан ҡайнар һыу менән бешерәләр, унан ҡапҡасын ябып, 40 минут төнәтәләр. Был төнәтмә менән боҫлама (примочка) йә сайҡатырға мөмкин. 

Һау-сәләмәт булығыҙ!