+21 °С
Дождь
Һаулыҡ - ҙур байлыҡ
7 Июня 2022, 06:34
Остеохондроздан төнәтмә
#Һаҡмар_дауалай Был 5 төнәтмә ҡатыуҙан ярҙам итә, ти халыҡ табиптары. Ә бына остеохондроздан дауаланыр алдынан быуындарҙы тоҙҙан таҙартыр кәрәк. Дауаланыу төрҙәре күп була. Ә бына ошонан башлар кәрәк. Һәм был процедураларҙы йылына 4 тапҡыр ҡабатларға кәрәк: 5 гр лавр япрағын 300 гр ҡайнар һыуға һалып, 3 сәғәт төнәтеп, тәүге өс көндә сәғәт һайын аҙ-аҙлап уртлап эсегеҙ.
Остеохондроздан төнәтмә
Был 5 төнәтмә ҡатыуҙан ярҙам итә, ти халыҡ табиптары. Ә бына остеохондроздан дауаланыр алдынан быуындарҙы тоҙҙан таҙартыр кәрәк. Дауаланыу төрҙәре күп була. Ә бына ошонан башлар кәрәк. Һәм был процедураларҙы йылына 4 тапҡыр ҡабатларға кәрәк:
5 гр лавр япрағын 300 гр ҡайнар һыуға һалып, 3 сәғәт төнәтеп, тәүге өс көндә сәғәт һайын аҙ-аҙлап уртлап эсегеҙ.
Тап ошонан һуң ғына дауалау курсы башлана:
1. Аптекала һатылған меңъяпраҡтың 1 аш ҡалағы ҡоро япрағын 1 стакан ҡайнар һыуға һалып болғатабыҙ. Унан төрөп ҡуйып 1 сәғәт төнәтәбеҙ. Аҙаҡ һөҙөп алабыҙ. Әҙер төнәтмәне ашар алдынан көнөнә 3 тапҡыр 1 аш ҡалағы эсергә кәрәк. Был төнәтмә ревматизмдан, бил ауыртҡанда, невралгиянан ярҙам итә.
2. Пижма менән төнәтмә. 1 аш ҡалағы пижма сәскәһенә 1 стакан ҡайнар һыу ҡоябыҙ. Унан төрөп ҡуйып, 2 сәғәт төнәтәбеҙ. Аҙаҡ һөҙөп, ашарҙан 20-25 минут алда көнөнә 3 тапҡыр 1-әр аш ҡалағы эсергә кәңәш ителә.
3. Сельдерей тамыры менән төнәтмә. 1 аш ҡалағы сельдерей тамырын 2 стакан ҡайнар һыу менән 4 сәғәт төнәтәбеҙ. Аҙаҡ әҙер төнәтмәне һөҙөп алабыҙ. Көнөнә 4 тапҡыр ашарҙан алда 1-әр аш ҡалағы эсергә кәңәш ителә.
4. Ҡара торма төнәтмәһе. 1,5 стакан ҡара торма һөтын 1 стакан бал һәм 0,5 стакан араҡы менән болғатабыҙ. Был шыйыҡсаға 1 аш ҡалағы тоҙ ҡушып болғатабыҙ. Төнәтмәне йоҡлар алдынан ҙур булмаған рюмкаға ҡойоп эсәбеҙ. Шулай уҡ был ҡатнашма менән ревматизм булған урынды ыуып ятырға ла ярай.
5. Һоло ярмаһын ҡайнаған һыу. 1 стакан һоло ярмаһын 1 литр һыуҙа ҡайнатып сығаралар ҙа, уның һыу 4 тапҡырға тиклем кәмегәнсә быҡтыралар. Һуҙылып торған шыйыҡсаны һөҙөп алғандан һуң, яртышар стакан ҡойоп алып, көнөнә 3 тапҡыр ашарҙан алда эсәләр. Был ҡайнатма быуын һыҙлағанда ярҙам итә.
Һау-сәләмәт булығыҙ!
Халыҡ медицинаһы рецептарын ҡулланғанда табип менән кәңәшләшергә онотмағыҙ!
Редакция һайлауы
