Ҡан баҫымын тиҙ генә төшөрәм тиһәң,
1) Бесәй үләне (валерьянка), энәлек (боярышник) йә булмаһа берәй тынысландыра торған сәй;
2) Ҡыҙыл көртмәле һуты йәки ҡыҙыл көртмәле емеше тиҙ генә ҡан баҫымын төшөрә;
3) Шулай уҡ 1 стакан кефирға 1 балғалаҡ дәрсен (корица) һалып болғатығыҙ ҙа яйлап ҡына эсегеҙ;
4) Ҡул аҫтындағы картуф та ярҙамға килеүе ихтимал. 1 стакан картуф ҡабығын ваҡ итеп турағыҙ ҙа, өҫтөнә 3 стакан һыу ҡойоғоҙ. Йомшарғансы бешерегеҙ. Унан һөҙөп, ярты стакан эсегеҙ.
Юғары ҡан баҫымын шулай уҡ был тәбиғи саралар ҙа ярҙам итә:
* ҡәнәфер (гвоздика) үләне төнәтмәһе
* грейпфрут һуты һәм емеше
* балан емеше (баллап ашарға ла була)
* укроп төнәтмәһе
* энәлек
* картуф ҡабығы төнәтмәһе
* бесәй үләне төнәтмәһе
* ҡыҙыл көртмәле һуты
* пустырник төнәтмәһе
* миләш һуты йә емеше
* томат һуты
* ҡара ҡарағат емеше йә япраҡтары төнәтмәһе
* аҡ акация препараты.
Ҡулланыр алдынан табип менән кәңәшләшегеҙ!
Һау-сәләмәт булығыҙ!