Төнгөлөккә ― үлән ҡайнатып эс!

Мәтрүшкә

Әсәй-өләсәйҙәребеҙ яратып эскән мәтрүшкә йоҡларға ярҙам итә. Ә еҫе һуң! Өй эсенә таралдымы? Яйлап ҡына күҙгә йоҡо инә башланы шикелле. 

Шулай уҡ мәтрүшкәне халыҡ медицинаһында киң ҡулланалар. Стресс кисергәндә, невроздан, тартышҡанда (судорога), эпилепсиянан, йоҡоһоҙлоҡтан, күңел ҡырылғанда тынысландыра ул.

БЕСӘЙ ҮЛӘНЕ (ВАЛЕРИАН) ТАМЫРЫ

Бесәй үләне тамыры иң тәүҙә күңел ҡырылғанда, борсолоу тыуғанда, йоҡоһоҙлоҡтан ярҙам итә. Әлбиттә, алдан ни өсөндөр борсолоп йөрөгән булһағыҙ. Ул шулай уҡ ашҡаҙан, эсәк проблемаларынан да ярҙам итә. 

Был үләндең еҫе насар булыуы ғына үҙенән этәрә. Шуға ла ҡапҡасын ныҡлап ябып һаҡлағыҙ.  Башҡа үләндәр менән бергә һаҡламағыҙ!

Һау-сәләмәт булығыҙ! Йоҡоғоҙ тыныс булһын!