Баш ауырта, танау тона, тамаҡ ҡымырйый...

Бал менән лимон 

Тын алыуға бәйле проблеманы хәл итеү өсөн, ысынлап та, тәү сиратта ярҙамға лимон менән бал килер.

1 аш ҡалағы балға 2 аш ҡалағы лимон һутын ҡушып болғатабыҙ ҙа, көнөнә өс тапҡыр берәр балғалаҡ эсәбеҙ.

Имбиp

Имбир -- ҡаҡрыҡты сығарыусы, антибактериаль һәм вирусҡа ҡаршы көслө продукт. Бының өсөн 2 cтакан һыуға 1 балғалаҡ борос, 6-7 киҫәк имбиp, 1 балғалаҡ бал талап ителә. Һыуҙы эҫетәбеҙ ҙә эсенә борос менән имбирҙе төшөрәбеҙ. Ҡайнап сыҡҡас, ҡапҡасын ябып, 1-2 минут көтәбеҙ. Уттан алып, ҡатнашманы һыуытабыҙ. Йылымыс хәлгә килгәс, бал һалып болғатабыҙ. Көн һайын 2-3 сынаяҡ эсергә кәңәш ителә. 

Ҡурсаҡма (куркума) составында булған куркумин бик көслө антибактериаль һәм антисептик үҙенсәлеккә эйә. 1 cтакан йылы һыуға 1 балғалаҡ куркуманы һалып болғатабыҙ ҙа, был ҡатнашма менән көнөнә бер нисә тапҡыр тамаҡты бер нисә минут дауамында сайҡатабыҙ. Ябай ғына был ысул реcпиратор инфекцияны дауаларға ярҙам итер.

Парлы ингаляция

4-5 cтакан ҡайнар һыуға 1/2 балғалаҡ тимьян, 1/2 балғалаҡ кипкән розмаринды һалып болғатабыҙ. Был эҫе пар менән бер-нися минут тын алығыҙ. Һаҡ булығыҙ! Тамағығыҙҙы яндырып ҡуймағыҙ! 

Һау-сәләмәт булғыҙ! Һаулыҡ -- һеҙгә юлдаш булһын! 

Тәҡдим ителгән рецептарҙы ҡулланыра алдынан табип менән кәңәшләшергә онотмағыҙ!