14853 пар өйләнешкән, 10315 ғаилә тарҡалған

Росстат мәғлүмәттәре буйынса, йыл башынан алып Башҡортостан Республикаһында 14853 пар өйләнешкән, 10315 ғаилә тарҡалған. Күреүегеҙсә, һандар әллә ни ҡыуанырлыҡ түгел. Тимәк күпме сабый етем ҡала, тыумай ҡалғандары ла бик күп...

2029 йылдан башлап айырылышҡан парҙарға никахты тарҡатыу тураһындағы таныҡлыҡ тапшырылмаясаҡ. Документ һанлы буласаҡ, тип хәбәр итә киң мәғлүмәт саралары Федераль Һалым хеҙмәтенең башлығы Даниил Егоровтың һылтанмаһына таянып. Уның әйтеүенсә, барлыҡ гражданлыҡ хәле акттары һанлы форматҡа күсәсәк. Ҡағыҙ бланктарҙың ҡайһы берҙәре бөтөнләй ҡулланылмаясаҡ. Ә бына никахҡа ингән мәлдең тантанаһын һаҡлап ҡалыу маҡсатында, никахты теркәү тураһындағы таныҡлыҡ тапшырыласаҡ.