Коронавирусҡа ҡаршы дарыу уйлап тапҡандар

Коронавирусҡа ҡаршы дарыу уйлап тапҡандар, буғай. Нимәнән, тип уйлайһығыҙ? Ҡайындың ороһонан (чага). Новосибирск ҡалаһының “Вектор” лабораторияһы үҙәге мөдире Тамара Теплякова шул хаҡта белдерә.

Тикшеренеү һөҙөмтәһе дарыуханала һатылған ҡайын ороһо һутының SARS-CoV-2 ҡарата юғары әүҙемлек күрһәтеүе асыҡланған. “Вектор” “SARS-CoV-2 коронавирусы репликация ингибиторы”на патент алыуға заявка биргән. Унда ҡайын ороһонан бер нисә концентрат алыу юлы күрһәтелгән. Шул уҡ ваҡытта уны өйҙә лә эшләргә мөмкин.

Көнөнә 150-200 мл концентратты бер нисә тигеҙ өлөштәргә бүлеп эсергә мөмкин. Әҙер концентрат һыуытҡыста ике аҙна һаҡлана.

“Вектор” быға ҡәҙәр ҡайын ороһоноң тағы ла бер нисә вирусҡа ҡаршы көсөн һанап ҡараған. Уның шулай уҡ ВИЧ, герпес һәм сәсәк ауырыуҙарын да дауаларға һәләтле көсө барлығы асыҡланған.