"03" хәбәр итә

Уҙған аҙнала Баймаҡ үҙәк ҡала дауаханаһының “Ашығыс ярҙам” хеҙмәте 342 саҡырыу алған, шуларҙың 23-ө балалар менән бәйле. Ауылдарҙан 93 саҡырыу булған. Киҫкен респиратор вируслы инфекцияһы менән 290 кеше мөрәжәғәт иткән. 52 хроник ауырыуға “Ашығыс ярҙам” барған. Алкоголь интоксикацияһы менән яфаланған 5 кеше ярҙам талап ителгән.

Бөтә илдә барған коронавирусҡа ҡаршы күрелгән хәүефһеҙлек сараларын теүәл үтәргә саҡырабыҙ. Урамға сыҡҡанда мотлаҡ битлек һәм бирсәткә кейергә кәрәклеген онотмағыҙ.

Сәләмәт булығыҙ!