Халыҡ һаулығы - беренсе урында

Баймаҡ районында "Сәләмәт республика - сәләмәт төбәк" акцияһы сиктәрендә табиптар халыҡты ҡабул итеүҙе дауам итә. Кисә белгестәр Күсей ауылы халҡын хеҙмәтләндерһә, бөгөн - Яратта, иртәгә Темәстә эшләйәсәк.

Быға ҡәҙәр улар Баймаҡ ҡалаһында, Урғаҙа, Иҫке Сибай ауылдарында тикшереүҙәр уҙғарған. 10 сентябрҙә старт алған акция Һаулыҡ һаҡлау министрлығы ҡарары менән тағы өс көнгә оҙайтылған.

Бындай мөмкинлекте файҙаланып ҡалығыҙ, - тип баймаҡтарға мөрәжәғәт итә район хакимиәте башлығы Фәнис Әминев.