Бәшмәктән 6 йәшлек бала һәләк булған

Берҙәм дежур-диспетчер хеҙмәтенән хәбәр итеүҙәренсә кисә, 10 августа, Асҡар ауыл биләмәһендә йәшәүсе ғаилә бәшмәк ашап ағыуланған. Ҡыҙғанысҡа ҡаршы, 6 йәшлек ҡыҙ баланы ҡотҡарып ҡала алмағандар, ул “Ашығыс ярҙам” килеп еткәнсе үк һәләк булған. Әлеге ваҡытта 1991 йылғы ғаилә башлығы һәм 3 йәшлек улы ауыр хәлдә дауаханала.

Хөрмәтле дуҫтар! Бәшмәк миҙгеле башланып ҡына тора. Бер үк белмәгән бәшмәктәрҙе йыймағыҙ. Икеләнә икәнһегеҙ, уларҙы ташлап китеү хәйерлерәк. Үҙегеҙҙе һәм яҡындарығыҙҙы хәүеф аҫтына ҡуймағыҙ. Һаҡ булығыҙ!