Битлекһеҙ һатып алыусы хеҙмәтләндерелмәй!

“Йәйге эҫе көндәр, ял мәле кешеләрҙең уяулығын юғалтты, хәүефһеҙлек саралары тураһында оноттороп ебәрҙе. Хәҙер һатып алыусыларҙың ғына түгел, хатта ҡайһы бер һатыусыларҙың да битлек-бирсәткәһеҙ хеҙмәтләндереүен күҙәтергә мөмкин. Ә бит Республика Башлығы Радий Хәбировтың коронавирустан һаҡланыу саралары тураһындағы Указы үҙ көсөндә. Уға ярашлы, сауҙа нөктәләрендә һатыусылар ҙа, һатып алыусылар ҙа битлектә булырға, дезинфекция саралары үткәрелергә тейеш. Битлек кеймәгән һатып алыусылар хеҙмәтләндерелергә тейеш түгел. Әгәр ул быға ҡаршы төшә икән, полиция хеҙмәткәрҙәрен саҡыртырға кәрәк. Был йәһәттән БР Эске эштәр министрлығы беҙҙең менән бергә эшләй. Ошо һаҡланыу сараларын күҙәтмәй, ауырыу таралып китеп, сауҙа нөктәләре киренән ябыла башлаһа, был бер кем өсөн дә яҡшы түгел бит. Әлеге ваҡытта республика иҡтисады яйға һалына башланы. Хәҙерге ваҡытта кинотеатр, мунса һ.б. эшмәкәрлеген тергеҙеү мәсьәләһе ҡарала. Әммә һаҡланыу сараларын күҙәтмәй, коронавирус ҡотороп китһә, барыһы ла яңынан ябыласаҡ бит. Һаҡланыу талаптарын үтәмәгән кешеләргә ҡарата иҫкәртеүҙәр эшләгеҙ, протоколдар төҙөгөҙ. Бар эшегеҙҙе фото, видеоға төшөрөп барығыҙ. Беҙ коронавирустың ныҡлап таралыуына юл ҡуйырға тейеш түгелбеҙ