Бөтә яңылыҡтар

Иҫерткес эсемлек ҡулланыусылар кәмемәй

Бер аҙнала алкоголь интоксикацияһы менән яфаланған 74 кешегә медицина ярҙамы талап ителгән

Уҙған аҙнала Баймаҡ үҙәк ҡала дауаханаһының “Ашығыс ярҙам” хеҙмәте 347 саҡырыу алған, шул иҫәптән 89 балаға. 38 бәхетһеҙ осраҡ теркәлгән. Алкоголь интоксикацияһы менән яфаланған 74 кешегә медицина ярҙамы талап ителгән. 1 июлдә теркәлгән юл-транспорт ваҡиғаһында зыян күреүселәргә медицина ярҙамы күрһәтелгән. Әйткәндәй, кисә иртәнге сәғәттәрҙә Баймаҡ – Сибай юлында тағы ла бер фажиғә теркәлде. Өс кеше йәрәхәтләнгән, бер кешенең ғүмере өҙөлгән. Юлдарҙа һаҡлыҡ күрһәтегеҙ. Онотмағыҙ, һеҙҙе өйҙә көтәләр!