Йәшәүҙәрҙән кем туйған?

Уҙған аҙнала Баймаҡ үҙәк ҡала дауаханаһының "Ашығыс ярҙам" хеҙмәте 322 саҡырыу алған, шул иҫәптән 32 балаға. Йәш бер ҡатын үҙ ғүмерен ҡыйырға маташҡанда ҡотҡарып ҡалынған. Алкоголь интоксикацияһы менән яфаланған 25 кешегә медицина ярҙамы талап ителгән. Бер аҙнала районда 3 кеше вафат булған. Киҫкен респиратор вируслы инфекция эләккән 15 кешегә (8 бала) ашығыс ярҙам күрһәтелгән. 2 юл-транспорт ваҡиғаһында 2 кеше төрлө тән йәрәхәттәре алған.