"Иң яҡшы врач" - Баймаҡта!

Тағы ла бер һөйөнөслө яңылыҡ менән таныштырырға ашығабыҙ. "Иң яҡшы

врач - 2020" республика конкурсында Баймаҡ үҙәк ҡала дауаханаһының тағы ла бер врачы үҙ көсөн һынап ҡараған ине. Участка врачы - фтизиатр Дилә Зөлфәт ҡыҙы Ғәлиева был конкурста өсөнсө урынды яулап, үҙен "Иң яҡшы врач - фтизиатр" итеп танытты.

Әйтергә кәрәк, оҙайлы йылдар халыҡ һаулығы һағында хеҙмәт иткән Дилә Зөлфәт ҡыҙы бындай исемгә күптән лайыҡ. Дилә Зөлфәт ҡыҙын лайыҡлы был еңеүе менән ихлас күңелдән ҡотлайбыҙ! Киләсәктә тағы ла юғарыраҡ уңыштар, сәләмәтлек һәм ҡыуаныс-шатлыҡтар теләйбеҙ. Баймағыбыҙҙың иң яҡшы врачтары менән хаҡлы рәүештә ғорурланабыҙ!