"Иң яҡшы врач-невролог" - Баймаҡта!

Өфөлә "Иң яҡшы врач - 2020" республика конкурсына йомғаҡ яһалды.

Унда Баймаҡ үҙәк ҡала дауаханаһының неврология бүлеге мөдире, врач-невролог Гөлнара Әҙеһәм ҡыҙы

Самарбаева ла ҡатнашты. Әйтергә кәрәк, бай тәжрибә туплаған, үҙенең һөнәри оҫталығы менән халыҡтың һаулығы һағында оҙайлы йылдар фиҙаҡәр хеҙмәт иткән Гөлнара Әҙеһәм ҡыҙының лайыҡлы урын яулауына шик юҡ ине. Һөҙөмтәлә ул "Иң яҡшы врач-невролог" номинацияһында өсөнсө урынды яуланы. Гөлнара Әҙеһәм ҡыҙын оло еңеүе менән ихлас ҡотлайбыҙ һәм еңел булмаған эшендә уңыштар,

сабырлыҡ теләйбеҙ!