Һаҡмар
+11 °С
Болотло
Антитеррор
Бөтә яңылыҡтар
Һаулыҡ - ҙур байлыҡ
23 Март 2020, 10:52

COVID-19 тәмәке тартыусыларҙы туп-тура реанимацияға алып килә

РФ Һауылҡ һаҡлау министры урынбаҫары билдәләүенсә, тәмәке тартыусы - коронавирус инфекцияһы йәһәтенән хәүефле төркөмгә ҡарай.

Тикшереүҙәрҙән алынған мәғлүмәткә ҡарағанда, тәмәке тартыусылар ауырыу симптомдарын ауырыраҡ үткәрә, һәм, шулай уҡ, уларҙа реанимацияға эләгеү хәүефе юғарыраҡ. Был турала йәкшәмбе һаулыҡ һаҡлау министры урынбаҫары Олег Салагай хәбәр итте.
"2020 йылдың март айында Гарвард университеты һәм Ираклион университеты эшләгән тикшереүҙәр һөҙөмтәһендә алынған анализдарға ҡарағанда, тәмәке тартыусылар COVID-19 симптомын 1,4 тапҡырға ауырыраҡ кисерәләр һәм реанимацияға эләгеү ихтималлығы 2,4 тапҡырға күберәк", - тип ул үҙенең Телеграм-каналында яҙған.
Министр урынбаҫары аңлатыуынса, тәмәке тартыусылар үпкә хроник ауырыуҙары, шул иҫәптән бронхит, пневмония менән йыш ауырыйҙар.
"Шунлыҡтан тап бөгөн тәмәке тартыу - ул коронавирус инфекцияһын ауыр кисереүселәрҙең өҫтәмә факторы булып тора, - тип Салагай билдәләне. - Ҡәҙерле дуҫтар, профилактика сараларын күҙәтегеҙ, тәмәкенән баш тартығыҙ һәм һау-сәләмәт булығыҙ".
Яңы коронавирус ауырыуы 2019 йыл аҙағында Үҙәк Ҡытайҙа ҡалҡып сыҡты, унан саҡ ҡына һуңыраҡ 150 илгә таралды һәм Бөтә донъя һаулыҡ һаҡлау ойошмаһы тарафынан пандемия тип аталды. Һуңғы мәғлүмәттәргә ҡарағанда донъяла 300 мең кеше йоҡторған, 13 меңдән ашыуы үлеп ҡала. Рәсәйҙә 367 кеше йоҡторған. Рәсәйҙә был туралағы тулы мәғлүмәтте һалып барыу өсөн хөкүмәт стопкоронавирус.рф сайтын булдырҙы.
Читайте нас: