Ишмөхәмәткә врачтар килде

Баймаҡ үҙәк ҡала дауаханаһының күсмә фельдшер-акушерлыҡ пункты бөгөн Ишмөхәмәткә килде. Ауыл халҡы ошо мөмкинлекте файҙаланып, врачтарға күренеп ҡалды. Йәштәре тура килгәндәр диспансеризация үтеп ҡалды. Ошо уңай менән ауыл китапханаһы "Беҙ сәләмәт тормош яҡлы" проектын дауам итеп, ауыл халҡы менән әңгәмә ҡорҙо, һаулыҡ тураһында мәҡәлдәр әйтте, йомаҡтар ҡойҙо. Был сараға килгән врачтар ҙа ихлас ҡушылды. Улар диспансеризацияның ни өсөн мөһим икәнлеге хаҡында һөйләне. Быйыл һәм алдағы йылдарҙа кемдәргә тулы медицина тикшереүе үтергә тейешлеге хаҡында мәғлүмәт бирҙе.