Баймаҡта ФАП-тар төҙөлә

Йыл аҙағына тиклем Семеновск һәм Ишбирҙе ауылдарында модулле фельдшер-акушерлыҡ пункты төҙөү ҡарала. Ошо арала уның тәүгеһендә эштәр башланасаҡ та инде. Баймаҡ үҙәк ҡала дауаханаһынан алған мәғлүмәт буйынса, яңы объекттар тулыһынса заманса ҡоролмалар менән йыһазландырыласаҡ. Йәғни, уларҙа бөтә шарттар ҙа булдырыласаҡ һәм ҡуйылған талаптарға яуап бирәсәк.

Республика адреслы инвестиция программаһына ярашлы, районда тағы ла ике: Ярат һәм Түбәнге Иҙрис ауылдарында яңы фельдшер-акушерлыҡ пункттары төҙөү күҙаллана.