Баймаҡ күп функциялы үҙәгендә 1 декабргә тиклем һалым инспекторы ҡабул итә

Баймаҡ күп функциялы үҙәгендә һәр кесе йома иртәнге ундан киске бишкә тиклем һалым инспекторы ҡабул итә. Һалым түләү буйынса бар һорауҙар буйынса мөрәжәғәт итергә була. Алдан яҙылырға кәрәкмәй. Ҡабул итеү сират буйынса башҡарыла. Һалым инспекторы 1 декабргә тиклем ҡабул итәсәк.

Әгәр һалым белдереүе электрон төрҙә лә, почта аша ла алынмаһа, һалым түләүсе уны алыу өсөн Күп функциялы үҙәктең теләһә ниндәй уңайлы офисына йәки һалым органына мөрәжәғәт итә ала.
Шулай уҡ Дәүләт хеҙмәттәре порталында һалым белдереүҙәрен алыуҙы тоташтырырға йәки электрон формала белдереүҙәрҙе ваҡытында һәм уңайлы алыу өсөн һалым түләүсенең шәхси кабинетына инергә мөмкин.

2024 йыл өсөн физик шәхестәрҙең мөлкәт һалымдарын 2025 йылдың 1 декабренән дә һуңға ҡалмайынса түләргә кәрәк.

Милек һалымдары тулыһынса төбәк һәм урындағы бюджеттарға инә, шул иҫәптән социаль яҡлау, мәғариф, һаулыҡ һаҡлау программаларын финанслауға китә, был программалар граждандарҙың йәшәү сифатына туранан-тура йоғонто яһай.

Өҫтәмә мәғлүмәтте Рәсәй Федераль һалым хеҙмәтенең Башҡортостан Республикаһы буйынса идаралығының ҡыҙыу элемтә телефоны буйынса (+7 (347) 215-10-70, өҫтәмә номер 55 55) йәки Рәсәй Федераль һалым хеҙмәтенең контакт-үҙәге телефоны буйынса - 8 800 222-22-22 - алырға мөмкин.

Автор: Гузель Салихова

Читайте нас