Эштәр башланды

Төҙөкләндереү эштәре дауам итә

Күп ҡатлы йорттарҙы капиталь ремонтлау буйынса республика программаһына ярашлы, Баймаҡ ҡалаһында төҙөкләндереү эштәре дауам итә. Бөгөн Салауат Юлаев проспектының 5-се һәм 17-се йорттарҙың ҡыйыҡтарын алмаштырыу эштәре ҡайтанан тергеҙелде.

- Был эштәрҙе башҡарырға тейешле аукционда еңеп сыҡҡан подрядсыларҙың эшкә яуапһыҙ ҡарағандары өсөн, уларҙың хеҙмәтенән баш тартырға тура килд, - тине Баймаҡ ҡалаһы биләмәһе башлығы Радмир Иҫәнбаев. - Бөгөн ҡайтанан аукцион уҙғарып, унда еңеп сыҡҡан Өфө ҡалаһының “СтройГрупп” компанияһы (етәксеһе Руслан Дыуытов) объекттарҙа эштәрҙе тергеҙҙе. Һауа торошоноң һалҡынайыуына ҡарамаҫтан, 2 бригада иртәнән кискә тиклем эш өҫтөндә. Улар барлыҡ сараларҙы графикта күрһәтелгән ваҡытҡа тамамларға иҫәп тота.