Баймаҡ юлдары төҙөкләндерелә

Бөгөн Баймаҡ ҡалаһында ҙур төҙөкләндереү эштәре дауам итә. Уларға ҡарап күңел ҡыуана. Һуңғы йылдарҙа күҙәтелгән тынлыҡ, ниһайәт, туҡтаны. “Алтын ҡулса” проекты буйынса быйылға ҡаралған саралар тамамланыуға табан бара. Бөгөн Таналыҡ йылғаһы буйында эш ҡыҙыу темп алған. Йәйәүлеләр өсөн тротуар һалына. Бөгөн Азанов, Горький, Ленин урамдарында тротуарҙар төҙөлә. Бордюрҙар ҡуйыла. Киләһе йылда иһә уны ике яҡлап тоташтырыу күҙаллана.

Баймаҡ юлдарын төҙөкләндереү буйынса ла эштәр дауам итә. Бөгөн иһә Баймаҡ юл ремонт-төҙөлөш идаралығы оло юлға асфальт япмаһы түшәй.