Салауат Юлаев - Баймаҡта!

Баймаҡ ҡалаһында күп ҡатлы йорттарҙың фасадына граффитти төшөрөү дауам итә. Быға ҡәҙәр Баймаҡта Бөйөк Ватан һуғышы ветераны "Дан" орденының тулы кавалеры Әҙеһәм Әлибаев менән 112-се кавалерия дивизияһының атаҡлы командиры, Рәсәй Геройы Миңлеғәле Шайморатовтың граффиттиһы һынландырылғайны. Әле килеп тағы ла береһе бөтөү өҫтөндә. Өсөнсө граффитти - ҡалабыҙҙың

Салауат Юлаев проспектының 27-се йортонда төшөрөлә башланы. Унда милли геройыбыҙ Салауат Юлаевтың рәсеме мәңгеләштерелә.

Башҡортостан Республикаһында иғлан ителгән "Зауыҡлы биләмәләр йылы" уңайы менән Баймаҡ ҡалаһында ғәйәт ҙур эштәр башҡарылыуы һөйөндөрә. Уларға ҡарап күңел ҡыуана. Беҙгә бары тик һаҡсыл ҡарашта булыу талап ителә.