Баймаҡта "Алтын ҡуласа" буласаҡ

Баймаҡ ҡалаһын төҙөкләндереү саралары дауам итә. Хәйер, уның туҡтағаны ла юҡ, йыл әйләнәһе мөһим проекттар өҫтөндә эш алып барыла. Ошо көндәрҙә баймаҡтарҙы ҡыуандырып, күптән көткән "Алтын ҡуласа" төҙөлөшө старт алды. Ул "Уңайлы ҡала мөхите" программаһына ярашлы башҡарыла. Ниһайәт, Баймаҡ ҡалаһында йәйәүлеләр өсөн тротуарҙар буласаҡ. "Алтын ҡуласа" В.Ленин, М.Горький, Ә. Әлибаев урамын Таналыҡ йылғаһы буйлап үтеп, Салауат Юлаев проспектын үҙ эсенә аласаҡ. Бөгөн төҙөлөш эштәре "Еңеү" паркы тәңгәлендә бара.