Аллеяға исем кәрәк!

 Мәғлүм булыуынса, 2017 йылдан алып Баймаҡ ҡалаһының Салауат Юлаев проспектындағы аллеяла ҙур реконструкция эштәре барҙы. Тротуар һалынды, эскәмйәләр ҡуйылды, урам фонарҙары эленде, йәшелләндереү өҫтөндә лә байтаҡ саралар күрелде. Бөгөн унда һуңғы төҙөкләндереү эштәре бара.

Ҡыҫҡаһы, ул күптән инде баймаҡтарҙың яратып ял иткән урынына әйләнде. Әле эш шунда ҡалды - аллеяға исем кәрәк. Уны бергәләп уйлайыҡ.

Ҡала биләмәһе хакимиәте район гәзиттәре менән берлектә аллеяға исем ҡушыу буйынса конкурс иғлан итә. Тәҡдимдәрегеҙҙе ҡала биләмәһенең (admgpbaimak@mail.ru) йәки "Һаҡмар" гәзитенең (sakmar07@rambler. ru) электрон почталарына, йәки почта аша яҙып ебәреүегеҙҙе һорайбыҙ.