Баймаҡта "Йәшел Башҡортостан" акцияһы үтте

17 и 18 апрелдә Баймаҡ ҡалаһында "Йәшел Башҡортостан" республика акцияһы үтте. Халыҡтың күбеһе үҙаллы изоляцияла булыу сәбәпле, унда сикләнгән күләмдә генә кеше ҡатнаша алды.

Үҫентеләр Салауат Юлаев проспектындағы аллеяла ултыртылды. Унда мәғариф бүлеге хеҙмәткәрҙәре, мәктәп, торлаҡ-коммуналь хужалыҡ, "Баймаҡ урмансылығы" ДАУ-һы коллективтары, ҡала Советы депутаттары, ҡала хакимиәте вәкилдәре әүҙемлек күрһәтте. Әлбиттә, бөтә төр һаҡланыу саралары теүәл күҙәтелде.

Акция барышында барлығы 94 үҫкән ҡайын ағасы ултыртылды. Уларҙы алдан уҡ "БРСУ" МУП-ы әҙерләп ҡуйған ине.