Тәҡдимдәрегеҙҙе көтәбеҙ

Баймаҡ ҡалаһын һәр яҡлап төҙөкләндереү өсөн эштәр дауам итә. Тыуған ҡалабыҙ быйыл да "Бәләкәй ҡалаларҙа уңайлы ҡала мөхите тыуҙырыу" Бөтә Рәсәй конкурсында ҡатнаша. Баймаҡта йәшәү һәм эшләү өсөн ниндәй шарттар булыр? Был һорауға бары тик беҙ, баймаҡтар, яуап бирә алабыҙ. Яңы проект ҡаланың 3-сө мәктәбенең биләмәһен, өлөшләтә үҙәк майҙанды, Салауат Юлаев исемендәге мәҙәниәт һәм ял паркын үҙ эсенә алған Пименов урамын төҙөкләндереүҙе күҙаллай. Үҙегеҙҙең тәҡдимдәрегеҙҙе Баймаҡ ҡала хакимиәтенең электрон почтаһына ебәрә алаһығыҙ: admgpbaimak@mail.ru.

Баймаҡ ҡалаһын бергә төҙөкләндерәйек!