Төҙөкләндереүҙе - ете айҙа!

Былтыр “Уңайлы ҡала мөхите” милли проекты сиктәрендә подъездарҙы төҙөкләндереү башланғайны. Был тәңгәлдәге эштәр быйыл да дауам итәсәк. Сентябргә тиклем Башҡортостанда 1151 йорттоң 3382 подъезы ремонтланырға тейеш. Был һан, былтырғы менән сағыштырғанда, ике тапҡырға күберәк.

Радий Хәбиров: “Беҙ юғары бурыстар ҡуябыҙ һәм былтырғы хаталарҙы иҫәпкә алдыҡ, подрядсылар быйыл бар эште ете айҙа тамамларға тейеш. 1582 подъезда ремонтсылар билдәле. 2024 йылға ремонтланған подъездар һаны 20 мең тәшкил итәсәк. Быйыл килешеүҙәр төҙөүҙе бер айға алда тамамланыҡ”, - тип билдәләне.