Баймаҡта тағы ла бер светофор!

Ҙур ҡалаларҙа ғына түгел, Баймаҡта ла йылдан-йыл транспорт саралары арта ғына бара. Күп осраҡта машиналарҙың ҡайһы бер боролоштарҙа юлдың асылғанын байтаҡ ҡына ваҡыт көтөп ултырғандарын күрергә тура килә. Юл хәрәкәтен көйләү, хәүефһеҙлек ҡағиҙәләрен күҙәтеү һәм әлбиттә, һаҡлыҡ сараларын күреү маҡсатында Баймаҡта тағы ла бер светофор ҡуйылды. Ул ҡаланың Горький урамында, асыҡлабыраҡ әйткәндә, 1-се мәктәп ҡаршыһында урынлаштырылды. Һүҙ юҡ, был урамда ла юл хәрәкәте көсөргәнешле. Яңы светофор был тәңгәлдәге мәсьәләне хәл итергә мөмкинлек бирәсәк.

Юл-хәрәкәте ҡағиҙәләрен теүәл үтәргә саҡырабыҙ.