Йылайыр ауыл биләмәһендә 6 обелиск асыласаҡ

Бөйөк Еңеүҙең 75 йыллығына ҡарата районыбыҙҙың Йылайыр ауыл биләмәһенә ҡараған: Сосновка, Күлтабан, Покровка, Урал, Октябрь, Комсомол ауылдарында Бөйөк Ватан һуғышында һәләк булыусылар һәм Еңеү менән ҡайтыусылар иҫтәлегенә ҡуйылған обелисктар асыласаҡ. Улар "Берҙәм Рәсәй" сәйәси партияһының "Аныҡ эштәр" проекты буйынса бүленгән финанс ярҙамында төҙөлгән. Обелисктарҙы сафҡа индергәндә ҙур эштәр башҡарылған - яуҙа ятып ҡалғандарҙың һәм Еңеү менән ҡайтыусыларҙың исем-фамилияларыдөрөҫләнгән. Бер кем дә, бер нәмә лә онотолмай!