"Еңеү йыры" акцияһына ҡушылығыҙ!

9 Май көндөҙгө сәғәт 12-лә бөтә ил халҡы Д. Тухмановтың данлыҡлы "Еңеү көнө" йырын йырлаясаҡ. "Еңеү йыры" акцияһына профессиональ һәм һәүәҫкәр йырсылар, ҡыҫҡаһы, теләгән һәр кем ҡушыла ала. Тик шуныһы - урамға сығырға ярамай, балконға сығып, тәҙрә аша йәки ихата алдында башҡарырға мөмкин. Йырығыҙҙы видеоға төшөрөп, #окнопобеды хэштэгы менән социаль селтәргә һалырға онотмағыҙ. Был көндө шулай уҡ һуғыш йылдары йырҙарын яңғыратырға мөмкин. Әле илдәге эпидемиологик хәлде күҙ уңында тотоп карантин иғлан ителһә лә, рәсәйлеләрҙең йөрәгендә мәңгелек урын алған Бөйөк Еңеү байрамын ситтән тороп булһа бергә уҙғарасаҡбыҙ.