Темәстә аллея барлыҡҡа килде

Темәс ауылында Бөйөк Еңеүҙең 75 йыллығын ҡаршы алыуға тулы әҙерлек бара. Ошо көндәрҙә бында Бөйөк Ватан һуғышы ветераны Абдрахман Мырҙағәле улы Йосопов һәм яуҙа ятып ҡалған барлыҡ яугирҙар иҫтәлегенә "Еңеү" аллеяһы барлыҡҡа килде. Ағас үҫентеләре ултыртыуҙа ауылдың барлыҡ учреждение һәм ойошма коллективтары әүҙем ҡатнашты. Йәшелләндереү эштәре артабан да дауам итәсәк. Темәс ауылында шулай уҡ 112-се Башҡорт кавалерия дивизияһы хөрмәтенә аллея барлыҡҡа киләсәк. Бөгөн урынын төҙөкләндереү дауам итә.