Еңеү парады кисектерелә

Бөйөк Еңеүҙең 75 йыллығына арналған парад 9 Майҙа булмай, уны үткәреү ваҡыты бер аҙ һуңғараҡҡа кисектерелә. Бөгөн РФ Президенты В. Путин ошо хаҡта белдерҙе. Сәбәбе - яңы короновирус.Иҫегеҙгә төшөрәбеҙ, 15 апрелдә 12 ветеран ойошмаһы ошо хаҡтағы тәҡдим менән ил Башлығына мөрәжәғәт иткәйне. Улар шундай мөһим байрам сараһы халыҡ һаулығына, именлегенә хәүеф тыуҙырырға тейеш түгел, шунлыҡтан парадты һуңғараҡ ваҡытҡа күсерергә кәрәк, тип белдергәйне. Бөйөк Еңеү парадын уҙғарыуҙың яңы датаһы әлегә билдәһеҙ.