Тарихҡа күҙәтеү

1934 йылдың 16 апрелендә СССР Үҙәк Башҡарма комитеты "Советтар Союзы Геройы" тигән юғары исемде булдырыу тураһында ҡарар ҡабул итә. Был маҡтаулы исем Ватан өсөн йәнен биргән, ҡаһарманлыҡ күрһәткән батыр яугирҙарға бирелгән. СССР тарҡалғандан һуң был исем бөтөрөлә һәм уның урынына "Рәсәй Федерацияһы Геройы" тигән маҡтаулы награда барлыҡҡа килә. Юридик яҡтан Советтар Союзы Геройҙары Рәсәй Геройы хоҡуҡтарына эйә.Башҡортостандан был маҡтаулы исемгә хәрби летчик Муса Ғайса улы Гәрәев ике тапҡыр лайыҡ була.