Мерәҫтә "Еңеү" аллеяһы буласаҡ

Мерәҫтең "Еңеү" паркында Бөйөк Ватан һуғышында ҡатнашыусылар иҫтәлегенә аллея буласаҡ. Бөгөн унда тулы әҙерлек бара. Мерәҫтәрҙең был проектын тормошҡа ашырыуҙа шәхси эшҡыуар Фаяз Ғәбиҙуллин ҙур ярҙам күрһәтә. Ул һуғышта ҡатнашыусыларҙың исемдәрен ташҡа яҙып мәңгеләштереү менән мәшғүл. Барлыҡ эштәр 9 Майға тамамланырға тейеш. Аллеяны булдырыу өсөн ауыл халҡы ҙур ярҙам күрһәтә һәм уның асылыуын ҙур түҙемһеҙлек менән көтә. - Бөйөк Ватан һуғышында ҡатнашҡан һәм ситкә күсеп киткән ауылдаштарыбыҙҙың йәки уларҙың балаларының тиҙ арала беҙҙең менән бәйләнешкә сығыуҙарын һорабыҙ, - ти Мерәҫ ауылы биләмәһе башлығы Таңсулпан Хафизова.