Бер кем дә, бер нәмә лә онотолмай

Ишбирҙе ауылы клубы төркөмөндә Бөйөк Еңеүҙең 75 йыллығына арналған видеомарафон флешмобы старт ала. Илебеҙҙә ниндәй генә байрамдар билдәләнмәй, әммә шуларҙың иң ҙуры - Бөйөк Ватан һуғышында фашистик Германияны еңгән 9 май байрамы. Йылдан-йыл был данлы көндәр, ваҡиғалар артта ҡала бара. Улар менән бергә был һуғышта ҡатнашҡан, беҙгә Еңеү бүләк иткән ҡаһарман ветерандарыбыҙ, тыл ветерандарыбыҙ ҙа һирәгәйә. Еңеү, батырҙар, һуғыш, тыл ветерандарыбыҙ тураһында йырҙар, шиғырҙар, бейеүҙәр һәм бәләкәстәребеҙҙән һүрәттәр көтөп ҡалабыҙ.Конкурс материалдарын видеоға, фотаға төшөрөп ошо төркөмгә -https://vk.com/club107136865 ҡуйыуығыҙ һорала. Конкурста ҡатнашыусыларҙың йәштәре сикләнмәй. Бары тик унда Ишбирҙе ауылы халҡы, сығыштары менән Ишбирҙегә бәйле булғандар ҡатнаша ала. Зәбирә Халиҡова, ауыл клубы мөдире.