Әсәләргә - миҙалдар

Район башлығы Фәнис Әминев күп балалы әсәләргә миҙалдар тапшырҙы. Был хаҡта ул былай тип белдерҙе

- Бөгөн биш һәм унан күберәк бала тәрбиәләгән 6 күп балалы әсәгә «Әсәлек даны» миҙалдарын тапшырҙыҡ. Әсәйҙәребеҙгә күрһәткән һөйөүҙәре һәм аңлауҙары өсөн уларҙың барыһына ла сикһеҙ рәхмәтемде белдерәм. Үҙе өсөн еңел булмаған, ысынында күп балалы әсәнең юлын һайлаған ҡатын-ҡыҙҙарға йәмғиәтебеҙҙә оло ихтирам менән ҡарайҙар, ә дәүләт уларға һәр саҡ өҫтөнлөклө тәртиптә ярҙам итә.