Машина минеке ине лә бит...

Һеҙҙең һорауығыҙға Башҡортостан Республикаһы Адвокаттар коллегияһының Баймаҡ ҡала филиалының адвокаты Айгөл Мырҙабулатова 8 927 320 55 55 телефоны буйынса яуап бирәсәк.

– Кейәүҙә булған саҡта машина һатып алдыҡ. Тик уға минең үҙ аҡсам китте. Кредиты ла минең исемгә алынған. Хәҙер иптәшем менән айырылышҡайныҡ, ул машинаның ярты хаҡын талап итә. Был законлымы ни?

Һорауығыҙға Башҡортостан Республикаһы Адвокаттар коллегияһының Баймаҡ ҡала филиалының адвокаты Айгөл Мырҙабулатова яуап бирә:

– РФ Ғаилә Кодексының 34-се статьяһының 1-се пунктына ярашлы, ир һәм ҡатындың никах ваҡытында йыйған мөлкәте уртаҡ булып һанала. Айырылышҡан осраҡта, мөлкәт кем тарафынан һатып алыныуға ҡарамаҫтан, улар араһында уртаға бүленә. Әгәр һеҙ машина өсөн һаман да кредит түләһәгеҙ, был кредит бурысы ла ирегеҙ менән уртаҡ булып һанала. Автомобилде бүлеү өсөн һеҙ түбәндәге өс юлдың берәүһен һайлай алаһығыҙ:

- машинаны һатырға һәм уның хаҡын уртаға бүлергә,

- машинаны үҙегеҙгә ҡалдырырға һәм уның ярты хаҡын иптәшегеҙгә бирергә,

- машинаның ярты хаҡын никах ваҡытында һатып алған башҡа мөлкәт менән ҡайтарырға.

Әгәр тулыраҡ консультация ярҙамы кәрәк булһа миңә 8 927 320 55 55 телефоны буйынса мөрәжәғәт итә алаһығыҙ.

Читайте нас:

Редакция һайлауы

Антитеррор

17 Ноябрь 2021, 12:16

Ышаныс телефондары!

Антитеррор

27 Август 2019, 23:34

Телефоны экстренной помощи