Һаҡмар
-29 °С
Болотло
75 лет Победы
Бөтә яңылыҡтар
Ҡаһармандар дәүере
14 Апрель 2020, 11:15

Изгелек тыуҙырған кинәнес

Минең ирекмән булып китеүемдең үҙенә күрә бәләкәй генә тарихы бар. Илгә коронавирус, тигән афәт килгәс, башҡалар кеүек үк үҙ аллы изоляцияға киттем. Шулай аҙыҡ-түлек алам тип үҙем йәшәгән йорттағы магазинға барып ингәйнем, һатыусы ҡыҙ миңә хат тотторҙо. Ошо тирәлә йәшәгән инәйҙән булып сыҡты. Магазиндан аҙыҡ-түлек алып килергә ярҙам итеүемде үтенгән. Уйға ҡалдым. Аҙмы ошоноң кеүек аптыранып ултырған кешеләр! Йәш әсәнең ире вахтанан ҡайта алмай ята, оло инәйҙең балалары йыраҡ йәшәй. Элегерәк үҙҙәре генә сығып йөрөһәләр, хәҙер ярамай, хәүефле. Коронавирус инфекцияһын йоҡтороу ҡурҡынысы бар.#нацпроекты #домалучше #времягероев #домаяҡшыраҡ

Минең ирекмән булып китеүемдең үҙенә күрә бәләкәй генә тарихы бар. Илгә коронавирус, тигән афәт килгәс, башҡалар кеүек үк үҙ аллы изоляцияға киттем. Шулай аҙыҡ-түлек алам тип үҙем йәшәгән йорттағы магазинға барып ингәйнем, һатыусы ҡыҙ миңә хат тотторҙо. Ошо тирәлә йәшәгән инәйҙән булып сыҡты. Магазиндан аҙыҡ-түлек алып килергә ярҙам итеүемде үтенгән. Уйға ҡалдым. Аҙмы ошоноң кеүек аптыранып ултырған кешеләр! Йәш әсәнең ире вахтанан ҡайта алмай ята, оло инәйҙең балалары йыраҡ йәшәй. Элегерәк үҙҙәре генә сығып йөрөһәләр, хәҙер ярамай, хәүефле. Коронавирус инфекцияһын йоҡтороу ҡурҡынысы бар.

Эштә студенттар советын етәкләйем, ирекмәндәр хәрәкәтендә лә торам. Йәштәр бүлеге начальнигы Заһит Ғүмәров менән бәйләнешкә сығып, «Беҙ бергә» ирекмәндәр ойошмаһы менән берлектә эш башланым.

Кемдәр ул ирекмәндәр? Һәр нәмә аҡсаға барып төртөлгән заманда бушлай күрһәтелгән хеҙмәттең баһаһы ла юҡ төҫлө. Бәлки шуғалыр ҙа бушлай, ысын күңелдән ярҙам итергә әҙер ирекмәндәр булыуына ышанып та етмәйҙәр. Әммә, нисек кенә булмаһын, йәмғиәткә, ярҙамға мохтаждарға, тәбиғәткә, хайуандарға үҙ теләгең менән бушлай ярҙам итеү – үҙе үк мәртәбә. Ә инде ваҡытын йәлләмәйсә, изге теләктәрен үҙ һаулыҡтарынан өҫтөн ҡуйып ярҙамға әҙер торған ирекмәндәр, ысынлап та, һоҡланыу уята.

Әле илебеҙ коронавирус инфекцияһына ҡаршы көрәш алып бара. Ауырыу йәшен тиҙлеге менән тарала. Уны туҡтатыу юлы бер – үҙ-үҙеңде изоляциялау. Шуға ла халыҡ өйҙә ултырырға мәжбүр. Ҡайҙалыр сәбәпһеҙ барыу, кем менәндер аралашыу, урам буйын ҡыҙырып йөрөү ҡырҡа тыйыла. Бигерәк тә ул оло йәштәгеләр, хроник ауырыуҙары булғандар өсөн хәүефле. Аҙыҡ-түлек артынан магазинға, дарыу препараттарын алыу өсөн аптекаға барыу үҙе бер проблемаға әйләнде.

Республика буйынса танылыу алған «Беҙ бергә» ирекмәндәр штабы Баймаҡта ла эшләй. Уны районыбыҙҙың йәштәр комитеты рәйесе Заһит Ғүмәров етәкләй. Әле штабта утыҙға яҡын ирекмән иҫәпләнә. Ирекмән, тигәс тә бик еңел эш түгел. Уның өсөн махсус курс үтеп, сертификат алыр кәрәк. Бынан тыш махсус кейем бүлеп бирелә. Күпселек ирекмәндәр адреслата ярҙам күрһәтһә, штабта телефон аша заявкаларҙы Нурзилә Аҙнағолова һәм Әлфиә Йәнбәкова ҡабул итеп ултыра. Ирекмәндәр хәрәкәте эш башлағанда беҙ бик аҙ инек. Хәҙер арттыҡ. Рөстәм Түләков, Наил Шәйәхмәтов, Нурзилә Аҙнағолова, Илгизә Байсурина, Ғәлинур Ҡарасурин, Гөлфиә Аҡсурина, Гөлиә Муллагилдина, Лилиә Шатохина, Лилиә Байрамғолова, Заһит Боҫҡонов, Айнур Юланов, Ғәзиз Хәсәнов, Артем Пустынников һәм башҡа ҡыҙҙар-егеттәрҙең күбеһе күрше-тирәһендә йәшәгән ололарҙы шефлыҡҡа алып, ярҙам итә.

Ололарҙың күптәре интернет селтәрендә ултырмай. Бәлки һеҙҙең яҡын кешеләрегеҙ йыраҡ йәшәйҙер, ярҙам итеү мөмкинлегегеҙ ҙә юҡтыр. Борсолмағыҙй! Беҙҙең штабтың ҡыҙыу бәйләнешенә инеп, түбәндәге телефон һандарын йыйығыҙ: 83475131839, 83475131007, 89371680076.

Шулай уҡ оло йөрәкле, изге күнелле, ярҙам итергә әҙер булған йәштәребеҙҙе үҙ сафыбыҙҙа көтөп ҡалабыҙ. Бының өсөн 89961074687 телефон һандарын йыйыу ҙа етә.

Юлиә Абдрахманова,

Урал агросәнәғәт колледжы уҡытыусыһы.

Читайте нас в