Табиптарға рәхмәтебеҙ сикһеҙ

Бөгөн 16.00 сәғәттә "Беҙҙең хәстәрлек" партпроекты сиктәрендә "Табиптарға рәхмәт" онлайн концерты үтте. Унда сәхнә йондоҙҙары Асҡар Абдразаҡов, Айҙар Ғәлимов, Әнүәр Нурғәлиев һ.б. (фатирҙан карантинда) сығыш яһаны.Әйҙәгеҙ, беҙ ҙә табиптар менән бергәлегебеҙҙе күрһәтеп, флешмобҡа ҡушылып, #спасибоВрачам #нашазабота #мывместе хештегын ҡуйып, яратҡан табиптарыбыҙҙың фотоһын ҡуяйыҡ.

Онлайн трансляция "Башҡортостан" Дәүләт телеканалының Ютуб интернет- һәм БСТ телеканалдарында күрһәтелде.

"Беҙ бергә" тип аталған бер сәғәтлек концертты БР Һаулыҡ һаҡлау министрлығы менән берлектә Йәштәр Йәмәғәт палатаһы коронавирус менән күҙмә-күҙ осрашҡан медицина хеҙмәткәрҙәрен, айырып әйткәндә бөгөн республикала карантинға эләккән 3000 табип һәм пациенттарҙың рухын күтәреү өсөн үткәрҙе. "Беҙ бергә" акция-концерты бар халыҡ табиптар менән бергә булыуын белдерә.