Талисман билдәләнде!

Быйыл Бөтә Рәсәй халыҡ иҫәбен алыу үтәсәк. Сәйәси сараның талисманын билдәләү өсөн конкурс иғлан ителгәйне. Ошо көндәрҙә уның һөҙөмтәһе билдәле булды.

Шулай итеп һары ғына был себеш тиҙҙән бөтә илдә танылыу яулаясаҡ. Ул рәсми рәүештә – 2020 - Бөтә Рәсәй халыҡ иҫәбен алыу йылы талисманы итеп билдәләнде. Уның авторы Һамар ҡалаһынан архитектор һәм иллюстратор – ov_maxim (ул үҙен шулай итеп танытҡан).

Конкурс ике этапта үткән. Тәүҙә уның өсөн интернет селтәрендә strana2020.ru сайты аша тауыш биреү ойошторолған. Иң күп тауыш йыйған эштәр һайлап алынған һәм шорт-лист төҙөлгән. Баһалама ағзалары еңеүсене билдәләгән.